ಪ್ರತಿಷ್ಠಾನವು ದೇಶ ಮತ್ತು ವಿದೇಶಗಳಲ್ಲಿರುವ ವ್ಯಕ್ತಿಗಳು, ಸಂಸ್ಥೆಗಳಿಂದ ದೇಣಿಗೆ ಪಡೆಯಬಹುದು.

ದೇಣಿಗೆ ಕೈಂಡ್ ಅಥವಾ ನಗದು ರೂಪದಲ್ಲಿರಬಹುದು.

• ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶಕ್ಕೆ ನೀಡಿದ ಎಲ್ಲ ದೇಣಿಗೆ/ಕೊಡುಗೆಯನ್ನು ಭಾರತ ಸರ್ಕಾರದ ವನ್ಯಜೀವಿ ಸಂರಕ್ಷಣಾ ಕಾಯ್ದೆ 1972 ರ ಸೆಕ್ಷನ್ 38 –X ರಲ್ಲಿ ಸೂಚಿಸಿದಂತೆ ನಾಗರಹೊಳೆ ಹುಲಿ ಸಂರಕ್ಷಣಾ ಪ್ರತಿಷ್ಠಾನವು ಸ್ವೀಕರಿಸುತ್ತದೆ. NTCF ಒಂದು ನೊಂದಾಯಿತ ಸಂಸ್ಥೆಯಾಗಿದ್ದು. ಸದರಿ ಸಂಸ್ಥೆಗೆ ನೀಡಿದ ದೇಣಿಗೆ/ಕೊಡುಗೆಯನ್ನು ಆದಾಯ ತೆರಿಗೆ ಕಾಯ್ದೆ 1961ರ ಸೆಕ್ಷನ್ 80ಜಿ ಅಡಿಯಲ್ಲಿ ವಿನಾಯಿತಿ ಪಡೆಯಬಹುದು. ಮುಂದುವರೆದು NTCF ಗೆ ನೀಡಿದ ಎಲ್ಲಾ ದೇಣಿಗೆಗಳು ಕಾರ್ಪೋರೆಟ್ ವ್ಯವಹಾರಗಳ ಸಚಿವಾಲಯ ನಿಗದಿ ಪಡಿಸಿರುವಂತೆ ಕಂಪನಿ ಕಾಯ್ದೆ 2013ರ ಸೆಕ್ಷನ್ 135ರ ಶೆಡ್ಯೂಲ್ VII ರ ವರ್ಗ (iv) ಸಸ್ಯ ಮತ್ತು ಪ್ರಾಣಿ ರಕ್ಷಣಾ ವರ್ಗದಲ್ಲಿ ಸಿ. ಎಸ್.ಆರ್ ಕೊಡುಗೆಯಲ್ಲಿ ಅರ್ಹವಾಗಿರುತ್ತದೆ
• ನಗದನ್ನು ಚೆಕ್ ಅಥವಾ ಡಿ.ಡಿ ರೂಪದಲ್ಲಿ NTCF ಹೆಸರಿನಲ್ಲಿ ಮಾತ್ರ ದೇಣಿಗೆ ನೀಡಬೇಕು
•ಎಲ್ಲಾ ದೇಣಿಗೆಗಳನ್ನು ನಾಗರಹೊಳೆ ನಿರ್ದೇಶಕರ ಕಛೇರಿಯಲ್ಲಿ ಮಾತ್ರ ನೀಡತಕ್ಕದ್ದು.
• ದೇಣಿಗೆಯ ಮೇಲ್ವಿಚಾರಣೆಯ ಪುಸ್ತಕವನ್ನು ಕಚೇರಿಯಲ್ಲಿ ಇರಿಸಲಾಗುವುದು ಮತ್ತು ದಾನಿಗಳು ನೀಡಿದ ಕೊಡುಗೆಯನ್ನು ಆ ಪುಸ್ತಕದಲ್ಲಿ ಸರಿಯಾದ ಸಹಿ ಮತ್ತು ದಾನ ಮಾಡಿದ ವಸ್ತುಗಳ ವಿವರಗಳೊಂದಿಗೆ ದಾಖಲಿಸಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳತಕ್ಕದು.
• ಲಭ್ಯತೆಯನ್ನು ಆಧರಿಸಿ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಮತ್ತು ನಿರ್ದೇಶಕರು , ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಅಥವಾ ವಲಯ ಅರಣ್ಯಾಧಿಕಾರಿರವರು ದೇಣಿಗೆ ಯನ್ನು ಛಾಯಾಚಿತ್ರದೊಂದಿಗೆ ಸ್ವೀಕರಿಸಿದ ಪ್ರಮಾಣಪತ್ರವನ್ನು ನೀಡುತ್ತಾರೆ.
• ದೇಣಿಗೆ ನೀಡಿದ ವಿವರಗಳನ್ನು 15 ದಿನಗಳೊಳಗಾಗಿ ಕಛೇರಿಯ ಜಾಲತಾಣದಲ್ಲಿ ಪ್ರಕಟಿಸಲಾಗುವುದು.
• ವಲಯ ಅರಣ್ಯಾಧಿಕಾರಿ ಕಛೇರಿಯಲ್ಲಿ ಅಥವಾ ಇನ್ನಾವುದೇ ಸ್ಥಳದಲ್ಲಾಗಲಿ ಅಥವಾ ವೈಯಕ್ತಿಕವಾಗಿ ಯಾವುದೇ ವ್ಯಕ್ತಿಗೆ ನೀಡಿದ ದೇಣಿಗೆಗಳಿಗೆ ಸ್ವೀಕೃತಿ ನೀಡಲಾಗುವುದಿಲ್ಲ ಮತ್ತು ದೇಣಿಗೆದಾರರು ನೇರವಾಗಿ ದೇಣಿಗೆ ನೀಡುವ ಅಭ್ಯಾಸವನ್ನು ವಿರೋಧಿಸುತ್ತೇವೆ.